طريقه عمل بان كيك بالموز هش ولذيذ

طريقه عمل بان كيك بالموز هش ولذيذ

طريقه عمل بان كيك بالموز هش ولذيذ

 

البان كيك بالموز هو من الحلويات السريعة البسيطة اللى مابتاخدش وقت معاكى .

وبنفس الوقت بتديكى وصفة شهية وجميلة .

لانها بتحتوى على الحليب المكثف والزبدة والفانيليا كلها اشياء بتعطى طعم حلو جدا

فى الوصفات .

يعنى لو جالك ضيوف فجأة ممكن فى خلال من 25 الى 30 دقيقة تكونى محضرة البان كيك بالموز .

ومقولكيش على طعم بان كيك بالموز حلو اد ايه وهايعجب ضيوفك كمان جدا وهاتبهريهم بطعمها الجميل.

وكمان مقادير بان كيك بالموز وطريقة تحضيرها سهلة وبسيطة والمكونات متواجدة اكيد عندك فى بيتك.



يعنى وصفة موفرة ومش هتضطرى لشراء اشياء مخصوص  لعمل بان كيك بالموز.

المقادير لعمل العجينة:

ملعقتان سكر

كوب دقيق جميع الاستعمالات

كوب ونصف حليب سائل

نصف ملعقة فانيليا
مقادير حشوة بان كيك الموز :

ملعقة زبد

3موزات

ملعقة دارسين

برتقالة

نصف كوب حليب مركز (مكثف)

نصف كوب جوز مكسر

ملعقتان زيت للمسح

الطريقة:

الطريقة سهلة جدا وهى انك هتضعى المكونات السائلة مع بعض ثم نخلطهم جيدا .

ثم نضع كوب الدقيق ونخلط جيدا عشان الدقيق مايبقاش مكلكع فى وصفة بان كيك بالموز .

وبعد كدا نحضر مقلاة ويفضل تيفال ونضع قليل جدا من الزيت .

ويتم تسخين المقلاة على درجة حرارة عالية على البوتاجاز .

ونضع على المقلاة معيار من البان كيك مثلا عدد معين من الملاعق او نعاير بفنجان صغير.

وننتظر حتى يتماسك بان كيك الموز ونقلبه على الوجه الاخر وسنجد انه يشبه القرص.

نجهز  الحشوة بان نحضر الزبد ونسيحه على نار هادئة ونضع عليه السكر والدارسين

ونقوم ببشر وعصر  البرتقال ونضعه على الخلطة السابقة وهى (خلطة الكراميل).

ونكمل خطة الكراميل السابقة باضافة الحليب المكثف وجوز الهند ونرفعهم من على

النار بعد تمام السواء.

تبقى لنا اخر خطوة وهى حشو البان كيك بكراميل الموز ووضع صوص الكراميل

المتبقى على الوجه وتمتعى باطيب واحلى طعم.